Crónicas dos partidos de volta da fase previa da Copa da Costa

FASE PREVIA COPA DA COSTA (VOLTA)

Santa Comba B-Cerqueda: (3-0); 1-0, min.5: Rivera en propia porta nun centro de Pío. 2-0, min.109: Miguel no saque dun córner de Héctor. 3-0, min.120: Martín de cabeza remata un saque de falta de Héctor.
Santa Comba B: Santi, Pablo Rivas, Pince, Matías, Alberto, Pío, Juanillo (Héctor M.64), Solís (Martín M.89), Daniel (Miguel, M.87), Paco, Marcos (Oscarín M.72).
Cerqueda: Diego, Javier, David, Marcos, Rivera (Iván M.110), Daniel, Santi Añón, Dani (Rober M.115), Anxo, Uruguayo e Dieguito (Lista M.71).
Os locais levaron o peso do encontro, pero non crearon moitas ocasións de gol, pola contra os visitantes fixeron un gran desgaste defensivo. Na primiera metade as poucas ocasións de gol repartíronse, no minuto 7 Rivera houbo de marcar de novo en propia porta, pero o meta Diego saca baixo paus, pouco despois quen se lucíu foi o meta local sacando cos pés unha falta botada por David. Na segunda metade os de Cerqueda reclamaron unha pena máxima por máns de Pío, pero o colexiado non sinalou nada. A falta de dous minutos para o remate o visitante David tivo o pase do seu equipo nun lanzamento de falta, o meta Santi sacou o balón da escadra. Na prórroga os visitantes acusaron o desgaste físico e pecharonse no seu campo na busca da lotería dos penaltis, pero os locais sentenciaron a eliminatoria en sendos goles a balón parado.

O Pindo-Lira: (1-0); 1-0, min.12: Kiko, de forte disparo de fóra da área.
O Pindo: Garrido, Miguel, Juan Antonio, Piquero, Miguel Lira (Jose M.72), Kiko, Mario García (Diego M.75), Nano, Hugo, Rafa e Oliver (Marcos M.80).
Lira: Lupi, Jose, Juan, Marco Antonio, Herminio, Angel (Fran de Cee M.45), Suso, Adrián, Suso Periko, Javi (Iago M.70) e Manoliño.
Encontro que mantivo a emoción até os últimos minutos, pero no que os locais non foron quen de aproveitar a expulsión do visitante Manoliño (M.13), logo dunha pequena tangana co local Piquero tras o gol. Os visitantes que contaban coa importante baixa do defensor Teo souberon sobrepoñerse ao contratempo de recibir un gol tan cedo e foron pouco a pouco contendo as investidas dos locais que xogaron máis co corazón que coa cabeza o que lle propiciou moitas imprecisións co balón. Este foi o último encontro para o actual presidente Javi, o martes collerá as rendas do equipo o actual vicepresidente José Antonio.

Malpica-Fisterra: (1-0); 1-0, min.92: Diego, de falta directa.
Malpica: Toni, Abelino, Diego, Iago, Marco (Víctor M.81), Lema (Medros M.69), Andrés, Manuel (Exoulsado M.62), Charro, Rodrigo Sassano (Expulsado M.93), Fran Martuxa.
Fisterra: Rafa, Urchi, Jesús, Chula, Roco, Xusto, Roa (Jose M.79), Rodrigo (Marcos M.82), Manuel, Rivas (José M.89), Borja (Bebeto M.66).
Auténtico partido copeiro o xogado no Pedra Queimada e non se resolveu até o último intre no que o lateral esquerdo local, Diego, mandou un zapatazo de falta que superou a barreira e se colou pola escadra. O encontro foi moi aberto dende o primeiro minuto debido a igualdade na eliminatoria, os locais conscientes de que un gol lle era suficiente para pasar, non perderon a orde defensiva e buscaron a meta contraria con máis impetu que os fisterráns. Rodrigo Sassano e Charro foron as principais armas de ataque local e os dous gozaron dun bo par de ocasións, Sassano no minuto 13 e no 21 puido poñer a eliminatoria a favor do Malpica, sobre todo na segunda, logo dunha boa xogada individual de Charro plantouse só ante Rafa e non o seu tiro, ainda que forte, foise as máns do cancerbeiro. Charro tivo dous máns, un parouno Rafa (M.37) e outro tirouno a rentes do pau (M.43). Para os visitantes quen levou o peso do ataque foi Roa, primeiro cun lanzamento que se foi a rentes do pau (M.12) e logo lanzou unha falta lateral que a piques se cola pola escadra (M.30), Rivas tamén lanzou un balón lixeiramente alto (M.25). Na segunda metade o Malpica segueu demostrado máis personalidade no campo e tivo o dominio do balón, ainda que o Fisterrán Rivas puido dar a sentenza, pero só ante Toni tirou fóra incomprensiblemente. Os locais non perderon e con boas internadas po banda, sobre todo de Diego, crearon moita incertidume na defensa fisterrán. o Fisterra con chegadas aisladas tentaban sentenciar, e puido facer Xusto, que recolle un balón morto dentro da área, pero a súa bolea foise fóra. No minuto 62 os locais quedarían con dez por expulsión de Manuel, por dobre cartón amarelo, o equipo non sentíu a súa ausencia e seguíu ao mesmo ritmo. Cando todo parecía indicar que o marcador non se mobería unha falta na frontal da área sirve a Diego para marcar un maxistral gol convertíndose no héroe da elimiantoria, pois os seus dous goles nos últimos suspiros dos dous encontros serviron para que o Malpica poida verse as cáras co eterno rival Ponteceso na próxima eliminatoria.